2020 թ. կոռուպցիոն գործերով վերականգնվել է շուրջ 14.2 մլրդ դրամի վնաս. ՀՀ գլխավոր դատախազ
0
0
Նախորդ տարի կոռուպցիայի դեմ պայքարը եղել է դատախազության առաջնահերթությունների շարքում՝ հայտարարեց ՀՀ գլխավոր դատախազ Արթուր Դավթյանը՝ ՀՀ ԱԺ պետական-իրավական հարցերի մշտական հանձնաժողովի նիստում ներկայացնելով դատախազության 2020 թ. գործունեության մասին հաղորդումը:
«Միայն 2020 թվականի ընթացքում քրեական հետապնդման է ենթարկվել շուրջ 1356 անձ, ընդ որում՝ այս թիվը գերազանցում է 2019 թվականի արդյունքները 7.3 տոկոսով: 2020 թվականին մեր ձեռնարկած միջոցներով կոռուպցիոն հանցագործություններով բացահայտվել է պետությանը պատճառված շուրջ 227 մլրդ դրամի վնաս, ինչը շուրջ 105 մլրդ դրամով գերազանցում է նախորդ տարվա արդյունքները:
Դրական շարժ ունենք նաև վնասի վերականգնման մասով. 2020 թվականի ընթացքում այդ գործերով վերականգնվել է շուրջ 14.2 մլրդ դրամի վնաս, այն դեպքում, երբ 2019 թվականին վերականգնվել էր 12.4 մլրդ դրամի վնաս»,- նշեց Դավթյանը:
Աղբյուրը՝ https://www.1lurer.am/hy/2021/04/30/2020-%D5%AB-%D5%A8%D5%B6%D5%A9%D5%A1%D6%81%D6%84%D5%B8%D6%82%D5%B4-%D5%AF%D5%B8%D5%BC%D5%B8%D6%82%D5%BA%D6%81%D5%AB%D5%B8%D5%B6-%D5%A3%D5%B8%D6%80%D5%AE%D5%A5%D6%80%D5%B8%D5%BE-%D5%BE%D5%A5%D6%80%D5%A1%D5%AF%D5%A1%D5%B6%D5%A3%D5%B6%D5%BE%D5%A5%D5%AC-%D5%A7-%D5%B7%D5%B8%D6%82%D6%80%D5%BB-14-2-%D5%B4%D5%AC%D6%80%D5%A4-%D5%A4%D6%80%D5%A1%D5%B4%D5%AB-%D5%BE%D5%B6%D5%A1%D5%BD-%D5%80%D5%80-%D5%A3%D5%AC%D5%AD%D5%A1%D5%BE%D5%B8%D6%80-%D5%A4%D5%A1%D5%BF%D5%A1%D5%AD%D5%A1%D5%A6/465767
